மாநில அமைப்பாளர் மீது வழக்கு பதிவு

வீரமிகு தேவரினமே ! விழித்தெழு !


வீரமிகு தேவரினமே நீ விழித்தெழும் காலம் வந்துவிட்டது.அமைதியின் பெயரால் இன்னும் எத்தனை ஆண்டுகள் நாம் இமை மூடிக்கிடக்க வேண்டும்?

அடித்திடச் சீறுகின்ற ஆற்றலின் வர்க்கம் நீ!
உன் துடித்திடும் தோள்கள் எங்கே?
வெடித்திடும் வெற்றி முழக்கமெங்கே?
சரித்திரம் சுழழும் போதும், சமுத்திரம் குமுறும் போதும்
பொறுத்தவன் பொங்கியெழும் போதும்,
புயல் காற்று சீறும் போதும்,
எரிமலை வெடிக்கும் போதும், இனமானம் சிதறும் போதும்
எதிர்த்தவன் வென்றதில்லை,
எவரும் இதை மறுப்பதில்லை;

பாண்டியனின் பங்காளி நீ! சோழனின் சொந்தம் நீ! சேரனின் சந்ததி நீ! மூவேந்தர், முக்கொடி, முத்தமிழ் என மும்முரசார்த்து, செங்கோலோச்சிச் செழுங்கலை வளர்த்து. அறநெறி வழுவா அரசர்களும், நடுநிலை பிறவா நாயகர்களும், கொள்கையிற் சிறந்த கோமான்களும், நானிலம் போற்ற நாடாண்ட நங்கையர் திலகங்களும், அடிமையிருள் நீக்கப் பாடுபட்ட அடலேறுகளும், விடுதலைப்பண்பாடி வீறுகொண்டெழுந்த வீராமணிகளும் தோன்றிய இனம் இது.

நமது அமைப்பின் அதிகாரப்பூர்வ இணையதளத்தில் (http://maraththamizhar.blogspot.in/2011/11/blog-post_14.html) நமது இனத்தை இழிவாக பேசியவன் மீது நடவடிக்கை எடுக்ககூறி இடம் பெற்ற கட்டுரைக்காக 'தீண்டாமை வன்கொடுமை தடுப்புசட்டத்தின்' கீழ் வழக்கு பதிவு செய்யப்பட்டுள்ளது.

இதற்கெல்லாம் அஞ்சுகிற ஆள் நாங்கள் அல்ல.
மரணத்திற்காக தவமிருக்கும் மாமறவர் கூட்டத்தில்...
நானும் ஒருவன்.

சிலப்பதிகாரத்தில் காணப்படும் கற்பு நெறி

கண்ணகி... மாதவி...கோப்பெருந்தேவி...
கவிக்கோ இளங்கோவடிகள் படைத்த சிலப்பதிகாரத்தில் கண்ணகி, கோப்பெருந்தேவி மற்றும் மாதவி என நாம் 3 கற்புக்கரகியர்களை காணலாம். இந்த மூவரில் கற்பு நெறியில் சிறந்தவர் யார் என்பதை ஆராயப் போகிறோம். சிலப்பதிகார கற்பு நெறியை 3 வகையாக பிரிக்கலாம், அது முதற்கற்பு, இடைக்கற்பு மற்றும் கடைக்கற்பு ஆகும்.

கோவலனை மணந்ததால் கண்ணகி அவனது மனைவியானாள். மனைவி என்பவள் கணவனுக்கு கட்டுப்பட்டவள். கோவலன் என்ன தவறு செய்தாலும் அதை கண்ணகி பொறுத்து கொள்ளதான் வேண்டும். கணவனுக்கு மனைவி கட்டுப்பட்டவளாக, கற்பு நெறி காப்பவளாக இருப்பது ஆச்சரியமில்லை. அது அவளது கடமை. எனவே கண்ணகியின் கற்பு நேறி கடமையாகிவிடுகிறது.

ஆனால் மாதவி அப்படியல்ல. தேவதாசி குடும்பத்தில் பிறந்தவள். கோவலனின் ஆசை நாயகி. அவனது மகளான மணிமேகலையை கருவில் சுமந்து பெற்றெடுத்து, அப்பெண்னை துறவியாக வளர்த்தவள். கோவலன் பிரிந்து சென்ற பிறகு மாதவி நினைத்திருந்தால் வேறொரு செல்வந்தருக்கு ஆசை நாயகி ஆகி இருக்கலாம். ஆனால் அவள் அப்படி செய்யவில்லை. கோவலனை மானசீக கணவனாக ஏற்று வாழ்ந்தவள், கற்பு நெறி காத்தவள். மாதவியின் கற்பு நெறி போற்றுதலுக்குரியது.

அரசியல் பிழைத்தோருக்கு அறம் கூற்றாகும் என்பதற்கு எடுத்துக் காட்டு, மதுரையை ஆட்சி செய்த பாண்டியன் நெடுஞ்செழியன் மன்னன். கோவலனுக்கு தவறான தீர்ப்பு வழங்கியதாலும் கண்ணகிக்கு அநீதி இழைத்ததாலும், அவையில் உடைபட்டு கிடந்த சிலம்பை போல நெஞ்சு வெடித்து உயிரிழந்தான். நெடுஞ்செழிய மன்னரின் மனைவி, அரசி கோப்பெருந்தேவி கணவன் உயிரிழந்ததை கண்ட அதிர்ச்சியில் அவளும் உயிரிழந்தாள். கணவன் இறந்த பிறகு உயிர் வாழ நினைக்காத மனைவியின் கற்பு நெறி போற்றுதலுக்குரியதுதான், இருந்தாலும் கண்ணகியை போல கோப்பெருந்தேவியின் கற்பு நெறியும் கடமையாகிவிடுகிறது.

எனவே சிலப்பதிகாரத்தில் காணப்படும் கற்பு நெறி ஆய்வுபடி முதற்கற்பு மாதவிக்கும் இடைக்கற்பு கோப்பெருந்தேவிக்கும் கடைக்கற்பு கண்ணகிக்கும் கிடைக்கிறது. கண்ணகிக்கு ஏன் கடைக்கற்பு? கோப்பெருந்தேவிக்கு ஏன் இடைக்கற்பு? என்றால், கணவன் கொலையுண்டதால் கண்ணகி மதுரையை எரித்தாள். ஆனால் கோப்பெருந்தேவி, கணவன் உயிரிழந்தால் தனது உயிரையே நீத்தாள். உயிரைவிட கண்ணகியின் கோபம் பெரிதல்ல என்பதால் கோப்பெருந்தேவிக்கு இடையும் கண்ணகிக்கு கடையும் கொடுக்கப்பட்டுள்ளது.

திருச்சி பி. இரத்தினவேலு தேவர் நினைவுகள்

திருச்சிராப்பள்ளி நகர வளர்ச்சிக்கு வித்திட்ட பெரியோர்கள் பலரில் நகராட்சித் தலைவராயிருந்த பி. இரத்தினவேல் தேவர் அவர்கள் முதன்மையானவர். 1883 ஆம் ஆண்டு பிராச்சிலையில் பிறந்தவர். இளம் வயதிலேயே தந்தையாரை இழந்தவர். எஸ்.பி.ஜி. பள்ளியிலும் பின்னர் சென்னை கிறித்துவக் கல்லூரியிலும் கல்வி கற்றார்.

                   பொது வாழ்க்கையில் மிகுந்த ஈடுபாடு கொண்ட தேவர் 1924 ஆம் ஆண்டு நீதிக்கட்சி வேட்பாளராகத் திருச்சிராப்பள்ளி நகரமன்ற உறுப்பினருக்குப் போட்டியிட்டு அமோக வெற்றி பெற்றார். பின்னர் நகரமன்றத் தலைவராகப் போட்டியின்றி தேர்ந் தெடுக் கப்பட்டார். 1924இல் நடைபெற்ற தேர்தலில் சென்னை மாநில சட்டமன்ற உறுப்பினராக தேர்ந்தெடுக்கப்பட்டார். 1924முதல் 1946 வரை 4 முறை நகராட்சித் தலைவர் பொறுப்பேற்று நகர வளர்ச்சிக்கு அரும்பணியாற்றினார். 1946இல் நடைபெற்ற தேர்தலில் சென்னை மாநில சட்டமன்ற உறுப்பினராக தேர்ந்தெடுக்கப்பட்டார். தேவர், பிற்காலத்தில் நீதிக்கட்சியோடு கருத்து வேறுபாடு கொண்டார். திலகரும், காந்தியாரும் விடுத்த அழைப்பை ஏற்று காங்கிரஸ் பேரியக்கத்தில் இணைந்தார். காந்தியடிகளின் போதனைகளை மக்களிடம் பரப்பினார். நாட்டின் விடுதலைப் போராட்டத்தில் தன்னை முழுமையாக அர்ப்பணித்துக் கொண்டார். அதனால் பலமுறை சிறைவாசமும் அனுபவித்தார். ராஜாஜி மன்றும் பெருந்தலைவர் காமராஜர் ஆகியோரின் அன்புக்குப் பாத்திரராகவும் இருந்தார்.        

                               இரத்தினவேல் தேவர், நகரமன்றத் தலைவராகப் பணியாற்றியபோது கம்பரசம் பேட்டையில் இருந்து நீரேற்று நிலையத்தை நகரின் குடிநீர்த் தேவைக்கு ஏற்பத்தி தனது சொந்த செலவில் விரிவாக்கம் செய்தார். அன்றைய மாகாண அரசின் நிதி இலாகா, தேவரின் செயலைக் கண்டித்து இவருக்குத் தாக்கீது அனுப்பியது. இதனை எதிர்த்து இலண்டன் பாராளுமன்றத்திற்குத் தேவர் முறையீடு செய்தார் லண்டன் பாராளுமன்றம் இவரது முயற்சியைப் பாராட்டி நற்சான்றிதழ் வழங்கியது. பத்திரிக்கைகளின் மூலம் இச்செய்தியினை அறிந்த மகாத்மாகாந்தி அடிகள் தேவரைப் பாராட்டிக் கடிதம் எழுதினார். திருச்சிராப்பள்ளிக்கு வந்த ஜவஹர்லால் நேரு இவரது இல்லம் வந்து உணவருந்திப் பாராட்டினார்.

                          திருச்சிராப்பள்ளி நகரக் கூட்டுறவு பண்டக சாலையின் தலைவராகவும், அண்ணாமலை பல்கலைக்கழகத்தின் பேரவை உறுப்பினராகவும், தேசியக் கல்லூரி நிரவாகக் குழுத் தலைவராகவும், இலங்கை தமிழர் யூனியன் கிரிக்கெட்குழுத் தலைவராகவும் சிறப்பாகச் செயல்பட்டார். இரத்தினவேல் தேவர் சிறந்த கிரிக்கெட் வீரர். திருச்சிராப்பள்ளியில் கிரிக்கெட் குழு அக்காலத்திலேயே இலங்கை சென்று பெரும் புகழ்பெற்றது. நகரின் குடிநீர்ப் பிரச்சினையைப் பெரிதும் தீர்த்தவர் தேவர்.10-6-48 இவர் இயற்கை எய்தினார்.

                          இவரது பெயரில் தான் தேவர்ஹால் உள்ளது அந்த இடம் தேவருக்குச் சொந்தமாகும். மாநகராட்சிஅலுவலகம் உள்ள இடமும் இவருக்குச் சொந்தமானது சிந்தாமனி விற்பனைக்கூடமும் இவருக்குச் சொந்தமானது இலங்கை அமைச்சர் தொண்டைமான் இவருக்கு உறவினராவார் பசும்பொன் தேவர் திருமகனாரும் இவரது இல்லத்தில் கொஞ்சநாள் இருந்தார் காந்தியடிகள் தன் கையால் நூற்ற சேலை ஒன்றை இவருக்களித்தார்.

மறத்தமிழர் சேனை 60,000 பார்வையாளர்களைக் கடந்துள்ளது, வணங்குகிறோம்.

பிறந்த பொழுதே இறந்து போவோமென அறிந்து வாழும் அடலேறுகளே ! வணக்கம்.

                       இந்த உலகத்திலே பிறந்த ஒவ்வொரு மனிதனும், தான் பிறந்து வளர்ந்ததற்கு அடையாளமாக எதையேனும் விட்டுவிட்டு செல்லவேண்டும். அப்பொழுதுதான் அவன் வாழ்ந்த வாழ்க்கைக்கு ஒரு அர்த்தம் இருக்கும். இல்லையென்றால் "கூற்றுக் கிரையெனப் பின்மாயும்- பல வேடிக்கை மனிதரைப் போலே" நாமும் வரலாறு அற்ற, மறந்துபோன இறந்து போனவர்களில் ஒருவராக ஆகித்தான் ஆவோம். இந்த எண்ணத்தின் அடிப்படையில் உருவாக்கப்பட்ட மறத்தமிழர் சேனை இணையதளம் தொடங்கப்பட்ட மிகக்குறுகிய நாட்களிலேயே  60,000 உறவுகளை தாண்டி வெற்றிநடை போடுகிறது. நாங்கள் இணையத்தில் மட்டும் இயங்கும் 'வாய்ச்சவடால்' அமைப்பு அல்ல. அதே சமயம் இணைய அரசியலிலும் எங்களால் சிறப்பாக இயங்கமுடியும் என்பதற்கான அத்தாட்சி இது. 

                     இந்த மகிழ்ச்சியான தருணத்தில் இதனை, இத்தனை எளிதில் சாத்தியமாக்கிய மறத்தமிழர் சேனை நிர்வாகிகளையும், எங்கள் மீது அளவிடமுடியாத பிரியங்கொண்ட உறவினர்களையும், எவ்வளவு சிறப்பான செயல்களையும் ஒருநொடியில் உதறிவிட்டு தொடர்ந்து விமர்சிக்கும் ஆலோசகர்களையும், நெடிய பயணத்தில் உடன்வருவதைப் போல் நடித்து எங்களை பலவீனப்படுத்த முயற்சிக்கும் சக இயக்கத்தார்களையும், எதிரியாகவே இருந்தாலும் என்னதான் எழுதுகிறார்கள் என்று தினந்தினம் எங்களை பார்வையிடும் மாற்று சமூகத்தார்களையும் பெருமையுடன் வணங்குகிறோம்.
   
                                              இது நம் சமூகத்திற்கான வெற்றி. 

கூடங்குளம் இன்னொரு போபால் ஆகிறதா?

நமது நிலத்தை காக்கும் போராட்டத்தில் ஒன்று நாம் வென்றாக வேண்டும் -
இல்லையெனில் நாம் கொல்லப்படுவோம். ஏனெனில் தப்பியோடுவதற்கு
நமக்கு வேறு நிலங்கள் இல்லை

-கென் சரோ விவா

 

 

சமீபத்தில் உலகையே உலுக்கிய ஒரு விசயம் ஜப்பானின் புகுசிஹிமா அணு உலை விபத்து.1986 இல் செர்நோபிள் நடந்தபின்னர் மற்றொரு பெரிய அணு உலை விபத்து இது. அணு உலையின் ஆபத்துகளை உலகம் உணர்ந்த நாள் என்று கூட சொல்லலாம். இதன் பின்னால் ஜப்பான் தனது அனைத்து அணு உலைகளையும் மூடப் போவதாக அறிவித்து உள்ளது. இதே போல ஜெர்மனியும். உலகின் மற்ற சில நாடுகளும் கூட இது குறித்து முடிவுகளை எடுத்து வருகின்றன. இந்த நிலையில் தமிழகத்தில் அணு உலைகளை எதிர்த்து இதற்கான ஒரு அமைதிப் போராட்டம் நடப்பது தெரியுமா உங்களுக்கு?

எதை பற்றி பேசுகிறேன் என்று சிலர் அறிந்திருக்க வாய்ப்பு உண்டு. ஆம்.. கூடங்குளம் அணு உலைக்கு எதிரான போராட்டத்தை பற்றி தான் பேசுகிறோம். 15000 பேருக்கு மேலும் ஒன்று கூடி போராடும் இந்த உண்ணாவிரத போராட்டத்தில் 127 பேர் தொடர் உண்ணாவிரதத்தில் ஈடுபட்டு அதில் 24 பேர் கவலைகிடமாக கிடக்கின்றனர். இந்த அணு உலையால் நிறைய பேருக்கு வேலை வாய்ப்பு உள்ள போதும் அவ்வூர் மக்கள் இதனை எதிர்க்க என்ன காரணம்?

• ஜப்பான் போல இங்கு நடந்து விட்டால்?
• பாதுகாப்பு குறைவு
• மிக முக்கியம் அணு உலை அமைந்துள்ள இடம்

இதுவரை நாம் பராமரித்து வந்த அணு உலைகள் கூடங்குளம் அணு உலையை விட சக்தி குறைந்தவை. அதனால் தான் ரஷியா உதவியுடன் இதை செய்கிறோம்.இது 1000Mwe ஆற்றல் உடையது, 2020 ஆண்டுக்குள் 20,000Mwe மின் உற்பத்தி செய்ய திட்டமிட்டுள்ளது அரசு. செர்நோபிள் நடந்த அணு உலை விபத்தும் 1000Mwe ஆற்றல் வாய்ந்த உலை ஆனால் வேறு வகை. இவ்வளவு ஆற்றல் உள்ளது என்ன பலம் கொண்டுள்ளது என்றால் மிகப் பெரிய கேள்வி எழுகிறது.

நிறைய பேர் இது ஏதோ நேற்று ஆரம்பித்த போராட்டம் என்று நினைக்கின்றனர், அது தவறு 1987-இல் இருந்து தொடர்ந்து நடந்து வருகிறது. மக்கள் இதன் தொடக்கத்தில் இருந்தே எதிர்த்து வருகின்றனர்.(நன்றி : விக்கிபீடியா)

கூடங்குளம் அணு உலை அமைந்துள்ள இடம் சுனாமி வரக்கூடிய பகுதி என்று அறிவிக்கப்பட்டு உள்ளது நாம் கவனிக்க வேண்டிய ஒரு விசயம். நமது கட்டுமானம் நன்றாக உள்ளது என்று கூறுகிறது இந்திய அணுசக்தி துறை. ஆனால் அந்த பகுதி எம்.எல்.ஏ ஒருவரே இந்த கட்டுமானத்தில் கடல் மணல் கலக்கப்படுவதாக புகார் அளித்து உள்ளார். ஒரு மக்கள் பிரதிநிதியே குறை சொல்கிறார் என்றால் அணுசக்தி துறை கூறுவது எந்த அளவுக்கு உண்மை என்று புரியும்.

கூடவே கூடங்குளம் அணு உலைக்கு மூன்றரை கிலோமீட்டர் தூரத்தில் கல்குவாரி ஒன்று அமைந்து உள்ளது. அங்கு வேலைபாடுகள் நடக்கும் போது அதிர்வலைகள் கிளம்ப வாய்ப்புகள் உண்டு. அத்தகைய சமயத்தில் அணு உலை கட்டடங்கள் பாதிப்புக்கு உள்ளாக நேரிடும். அணு உலை கட்டுமானம் என்பது தரைக்கு மேலே மட்டும் கவனிக்கக் கூடிய விசயம் அல்ல. கட்டுமானத்தில் சிறு விரிசல் வந்தாலும் பெரிய பிரச்சினைதான். காரணம் கூடங்குளம் பகுதியானது 200 மீட்டர் ஆழம் வரை மட்டுமே கெட்டியான பாறைகளை கொண்டது. ஒரு அணு உலை அமைக்க இது 40KM என்ற அளவில் இருத்தல் அவசியம். இதனால் ஒரு சிறு எரிமலை வெடிப்பு வந்தாலும் அணு உலை மிகப் பெரிய அளவில் பாதிப்பை பெறும். 

இதை எல்லாம் விட மிக முக்கியம் இது குறித்து மக்களிடம் எதுவும் கூறாதது. விழிப்புணர்வு குறித்து எதுவும் சொல்லவில்லை, அணு உலை குறித்த எல்லா விசயங்களும் மிக ரகசியமாக உள்ளன. ஒரு அணு உலையோ அல்லது ஏதேனும் மக்கள் வாழ்வாதாரத்தை பாதிக்கும் செய்கையை செய்யும் போது குறிப்பிட்ட பகுதி மக்களிடம் கலந்து பேசவேண்டும், அதுமட்டுமின்றி முதலில் திட்டவணை காட்டி மக்களிடம் ஒப்புதல் பெற வேண்டும். ஊர்தலைவர் மற்றும் சுற்றுவட்ட பகுதி மக்கள் அனைவரையும் கூட்டி மாவட்ட ஆட்சியர் முன்னிலையில் மக்கள் கூட்டம்(Public hearing) நடத்தி இருக்க வேண்டும். திட்டவணை அப்ரூவல் ஆன பிறகு அதை குறிப்பாக செய்திதாள்களில் வெளியிட்டுவிட்டு அதன் நகலை சம்பந்தபட்ட பஞ்சாயத்து போர்டுகளுக்கு அனுப்பி ஒப்புதல் பெற வேண்டும். இவை எதுவுமே செய்யப்படாமல் இருக்கிறது.

அனைத்து விதிமுறைகளையும் மீறி கட்டப்பட்டு வருகிற இந்த அணு உலை மிக பெரிய உயிரழிக்கும் ஆபத்தை கொண்டது என்று தான் சொல்லவேண்டும். ஆம் அணு உலை உள்ள ஏரியாவில் பத்து கிலோமீட்டர் தூரத்தில் தான்12,000 பேர் இடிந்தகரை கிராமத்தில் வசிக்கின்றனர். அத்தோடு கூடங்குளம் கன்னியாகுமரிக்கு 26 .4 கிலோமீட்டர் தூரத்தில் உள்ளது. ஒரு பெரிய நகரம் இவ்வளவு அருகே இருக்கக் கூடாது. கூடவே நாகர்கோவில் கூட அருகில்தான் உள்ளது. அணு உலை விபத்து என்பது கிட்டத்தட்ட முப்பது கிலோ மீட்டர் தூரம் பாதிக்கும். 30கி.மீ., தூரத்தில் 1 மில்லியனுக்கு மேலான மக்கள் இருக்கிறார்கள் என்பதும் குறிப்பிடதக்கது. ஆனால் மறைமுக ஆபத்து என்பது 1000 கிலோமீட்டர் வரை இருக்கும். 

நாட்டின் மொத்த மின் உற்பத்தியில் வெறும் மூன்று சதவிகித (?) மின்சார உற்பத்தி மட்டுமே நமக்கு கிடைக்கக் போகிறது அணு உலைகளால். இன்னும் என்னனவோ வளங்கள் உள்ளன பயன்படுத்தப்படாமல் உள்ளன நாட்டில். அணு உலை ஆபத்தானது என்பதை எல்லா நாடுகளும் உணரத் தொடங்கி விட்டது. ஆனால் நம் நாடு இன்னும் அணு உலைகளை விட மாட்டேன் என்கிறது. 1986 இல் செர்நோபிள் விபத்து நடந்த இரண்டு வருடங்களில் அவர்களிடம் புதிய அணு உலைக்கு நாம் ஒப்பந்தம் போடுகிறோம். என்டோசல்பானுக்கே ஐந்து வருடம் அனுமதி கேட்ட நாடு இது அணு உலைக்கு எத்தனை ஆண்டுகள் கேட்கும்?

சென்ற ஆண்டு அணு சக்தி கழக தலைவர் எஸ்கே ஜெயின் குறிப்பிடும் போது இன்னும் 14 அணு உலைகள் இந்தியாவில் எழும்ப போவதாக சொன்னார். அதில் இப்போது கட்டிக்கொண்டிருக்கும் 2 கூடங்குளம் அணு உலைகளோடு கூடுதலாக நான்கு அணு உலைகள் இணைக்கப்படுகின்றன. ஆனால் சில மாதங்களுக்கு முன்னர், தமிழகத்தின் சுகாதார துறையினர் கடல்சார் பாதுகாப்பு அம்சங்களை மீறுவதால் மீதி 4 அணு உலைகளுக்கும் அனுமதி அளிக்கவில்லை என்று கூறுகின்றனர். ஆனால், இப்போது அங்குள்ள மக்களின் கொதிப்பு என்ன.? கட்டபட்டிருக்கும் 2 அணு உலைகளுக்கு மட்டும் அந்த அம்சங்கள் அனைத்தும் பின்பற்றப்பட்டு இருக்கிறதா என்பதையே..!

சில ஆண்டுகளுக்கு முன்னரில் இருந்து இந்தியாவுக்கு எதிரான தீவிரவாதிகளுக்கு இந்தியாவில் முன்னரே இயங்கும் 19 அணு உலைகள் மீதும் தாக்குதல் நடத்த திட்டமிட்டிருப்பதாகவும் இன்னும் அதற்கான செயல்பாடுகளில் அவர்கள் தீவிரம் காட்டுவதாகவும் தெரிவிக்கப்பட்டது. இது போன்ற ஒரு தாக்குதல் நடந்தால் அது மக்களை எப்படி பாதிக்கும் என்பதை அரசு உணர்ந்திருக்கிறதா? அதற்கான பாதுகாப்பு ஏற்பாடுகள் என்ன? இப்படி எல்லாம் சாமனிய மக்களுக்கும் கேள்விகள் எழத்தான் செய்கின்றன. இருந்தாலும் இன்னும் இந்த அரசாங்கம் பாதுகாப்பானது தான் என்று பிதற்றி வருகிறது.

இருந்தாலும் இதற்கு அரசாங்க தரப்பில் இருந்து எவ்வகையில் சப்போர்ட் செய்யப்படுகிறது.? கூடங்குளம் அணு மின் நிலையம் கடல் மட்டத்தில் இருந்து 7.5மீட்டல் உயரத்தில் இருப்பதாகவும் இதனால் சுனாமி வந்தால் எந்த பாதிப்பும் இருக்காது என்று கூறப்படுகிறது. அப்படியா.? சரி.. போன முறை சுனாமி வந்த போதும் எந்த பாதிப்பும் ஏற்படவில்லை. ஜப்பானில் பல அதிர்வுகளும் சிறு சிறு கடல் சீற்றங்களும் அடிக்கடி எழும்பும் ஆனால் இப்போதைய சுனாமி தானே அணு மின் நிலைய பாதிப்புக்கு காரணம். அத்தகைய சிறப்பான பாதுகாப்பு ஏற்பாடு கொண்ட ஜப்பானின் அணு மின் நிலையமே ஆட்டம் காணும் போது நீங்கள் கூறும் வாக்குறுதியை எவ்வாறு ஏற்றுக்கொள்ளப்படும். இயற்கையின் பலத்தை மதிப்பிட மனிதனுக்கு இன்னும் பலம் போதவில்லை எனபதற்கு ஜப்பான் நிகழ்வே சாட்சி.

உலைகளை குளிர்விக்க வழக்கமாக 1 ஜெனரேட்டர் உபயோகிக்கப்படும். ஆனால் கூடங்குளத்தில் 4 ஜெனரேட்டர்கள் உபயோகிக்கப்படவுள்ளன என்று மீண்டும் சப்பை கட்டு கட்டி பொதுமக்கள் வாயை அடைத்திட நினைக்கிறது இந்த அரசாங்கம். எத்தனை முறை எடுத்து உரைத்தாலும் பாதுகாப்பானது தான் என்னும் ஒற்றை வார்த்தையை பிடித்து பிதற்றி வருகிறது.

அப்படி பாதுகாப்பானது என்று அரசாங்கம் கருதினால் பாராளுமன்றத்துக்கு அருகில் வைக்க வேண்டியது தானே? அங்கே தான் எல்லா பாதுகாப்பும் உள்ளதே? அணு உலைக் கழிவுகளை நாம்தான் சுத்திகரிக்க என்று சொல்லி விட்டது ரஷ்யா. தெரு குப்பையை கூட ஒழுங்காக சுத்திகரிக்க முடியாத நாமா அணு உலை கழிவுகளை சுத்திகரிக்க போகிறோம். அதையும் எதாவது ஒரு ஆற்றில் கலந்து எம் மக்களை கொன்றாலும் கொல்லும் இந்த அரசாங்கம். ஏற்கனவே போபால் விஷயத்தில் அமெரிக்கா நம்மை அடித்தது, இப்போது ரஷ்யா . இன்னும் எத்தனை நாடுகளிடம் அடி வாங்க வேண்டும் இந்தியக் குடிமகன்?

சரி.. அன்னா ஹசாரே என்னும் ஒற்றை மனிதன் ஊழலை எதிர்த்தபோது ஊடகங்கள் எந்த அளவுக்கு உறுதுணையாய் இருந்ததோ அதில் கால் பங்கு கூட இந்த விடயத்தில் இல்லையே.! ஊழலை விட உயிர் பெரிதில்லை என்று நினைத்திட்டார்களோ..! இல்ல ஊடகங்களுக்கு வெறும் ஒருவரை ஹீரோவாக வைத்து சித்தரிக்க மட்டும் தான் தெரியுமா..?

ஜப்பானிய பாதிப்புக்கு பின்னர் தமிழகத்தின் கல்பாக்கம் அணுமின் நிலையத்தை பரிசோதித்து அது முற்றிலும் பாதுகாப்பற்ற ஒன்று என்று சொல்லப்பட்டது. கல்பாக்கம் அணு மின் நிலையம் தொடங்கும் முன்பும் இப்போது செய்வது போல பல பாதுகாப்பு ஏற்பாடுகள் செய்யப்பட்டன தான்.. ஆனால் இன்று அது பாதுகாப்பே அற்றது என சொல்லப்படுகிறது. தமிழகத்தின் வளத்தை பொறுத்த வரையில் அணுமின் நிலைய விபத்தை தாங்கும் சக்தியற்றது தமிழகம் என்றும் அதன் பின்னர் சொல்லப்பட்டது. இருப்பினும் அதிகாரிகளுக்கு இதை பற்றி கவலை இல்லை.

1988, 98 மற்றும் 2001 என்று பரிசீலிக்கப்பட்ட இந்த அணு மின் நிலைய கட்டுமான பணிக்கான தொகை சில பல மாற்றங்களுக்கு பின்னர் 2001ல் 13,171 கோடி என்று நிர்ணயிக்கப்பட்டது. இதில் 6,775 கோடி இந்தியா செலுத்துகிறது. மீதி பணம் அனைத்தும் ரஷ்யாவிடமிருந்து 4 சதவீத வட்டிக்கு வாங்கபடுகிறது. கடன் வாங்கி வீட்டை கொளுத்தி ஆட்டையில் போடுவது இங்கு தவிர்த்து எங்கு நடக்கும்.

மேற்கு வங்கத்தில் மம்தாவின் அரசு ரஷ்யாவின் அணு மின் நிலையும் அமைக்கும் பணியை ஹரிபூரில் நிறுத்திவிட்டு தங்கள் மாநிலத்தில் அணு மின் நிலையம் தேவையில்லை என்னும் அறிக்கையை விட்டிருக்கின்றது. மேலும் நமது அண்டை மாநிலமாகிய கேரளத்தில் அணுமின் நிலையம் தேவையற்றது என்று சொல்கின்றனர். நம் தமிழக மக்கள் மட்டும் வாங்கி வைத்துகொண்டு என்ன சிரிப்பா சிரிக்க போகின்றனர்.?

இங்கு விபத்தே நடக்காவிடிலும் இந்த அணுமின் நிலையத்திலிருந்து ஐயோடின், சீசியம் போன்ற பல கனிம வெளிபாடுகள் உண்டாகும். அது காற்றோடு கலந்து விலை நிலங்கள், கால்நடைகள், கடல் என அனைத்தையும் பாதிக்க கூடும். இதில் உள்ள பொட்டாசியம் தாவரங்களால் உட்கொள்ளபட்டு நம் உணவிற்கு வரும் மெல்லக் கொல்லும் விஷம். முன்னரே தெற்கு கடல் சார் பகுதி மக்களுக்கு கேன்சர், மூளை பாதிப்பு, குறைபாடுடன் பிறப்பு போன்ற பல பாதிப்புகள் அரசாங்கத்தின் கடல் வழி ஆராய்ச்சி மற்றும் தோரியம் கண்டுபிடிப்புகளால் நிகழ்ந்தேரி வருகின்றன. அப்படியானால் அரசாங்கம் ஒட்டுமொத்த கடல் சார் மக்களை எல்லாம் அழிக்க வழிமேல் வழிவகுத்து தருகிறதா என்ன.?

அணு உலை வேண்டாம் என்று சொல்லும் போது மாற்று வழி என்ன என்று நீங்கள் கேட்கலாம். அது குறித்த பதிவு இங்கே... இனி சூரியன் போதுமே நண்பர்களே கூடங்குளம் மட்டுமல்ல மற்ற எல்லா அணு உலைகளையும் எதிர்க்க இதுவே வாய்ப்பு குரல் கொடுங்கள் நண்பர்களே.!! ஒன்றிணைந்து நம்மின் தெளிவான புறப்பாடு நம்மை வஞ்சிக்க நினைத்திடும் அரசாங்கத்தை புறம் தள்ளி வெற்றி காண்போம்..!

மனிதப்படுகொலையின் மூன்றாம் ஆண்டு நினைவு கூரல்!

முதலில் அவர்கள் நூல்களை எரிப்பார்கள். பின்பு மக்களை எரிப்பார்கள். எங்கள் வரலாற்றிலும் அதுதான் நடந்து கொண்டு இருக்கிறது. நூலக அழிப்புக்கும் இன அழிப்புக்கும் இடையில் வெகுதூரமில்லை என்பது உலக வரலாறு எமக்குஏற்கனவே  சுட்டிக் காட்டிய ஒன்றுதான். ஒன்றிலிருந்து மற்றையதைப் பிரிக்க முடியாது என்பதும் பண்பாட்டுப் படுகொலை, அறிவறிவியல் படுகொலை, மெல்ல மெல்லக் கொல்லும் இனப்படுகொலை என எல்லாமே இன அழிப்பின்  பல்வேறு முகங்களும் முகாம்களும் தான்.

                       

                              இருபத்தி ஓராம் நூற்றாண்டில் இடம் பெற்ற மிகப் பெரிய மனிதப்படுகொலையின் மூன்றாம் ஆண்டு நினைவு கூரல்.

நல்லதோர் வீணை செய்தோம்
அதை
நலங்கெட புழுதியில் வீசி எறிந்தோம்
சொல்லடி சிவசக்தி
எம்மை சுடர் மிகு அறிவுடன்
ஏன்
படைக்கவில்லை..............................??


மூன்று வருடங்களுக்கு முன்பாக சர்வதேசம் பார்த்துக் கொண்டிருக்க, உலக மக்களின் கண்களுக்கு முன், அனைத்து வேதங்களும் தெய்வங்களும் சாட்சியாக இருக்கையில் முள்ளிவாய்க்காலில் வைத்து படுகொலை செய்யப்பட்ட பல்லாயிரக்கணக்கான மக்களுக்கும். போராளிகளுக்கும்  மறத்தமிழர்  சேனையின்  கண்ணீர் அஞ்சலிகளும் வீர வணக்கங்களும்

தலித் அரசியலின் அவலம் : சிலைகள் அமைத்ததில் ரூ.40 ஆயிரம் கோடி ஊழல்: அகிலேஷ் யாதவ் தகவல்

See more of Dalit politics: Bahujan Party Chairman kansiram, Mayawati and the party's election mascot, the elephant statues, set up the corruption in the Rs .40 crore: Minister Akhilesh Yadav Information

                               லக்னோ: உ.பி.,யில் பகுஜன் சமாஜ் கட்சி ஆட்சியின்போது, மாயாவதி, கன்ஷிராம் மற்றும் யானை சிலைகளை அமைத்ததில், 40 ஆயிரம் கோடி ரூபாய் அளவுக்கு முறைகேடுகள் நடந்துள்ளதாக புகார்கள் கிளம்பியுள்ளன. "இது தொடர்பாக எந்த விதமான விசாரணை நடத்துவது என்பது குறித்து, விரைவில் முடிவெடுக்கப்படும்' என, அம்மாநில முதல்வர் அகிலேஷ் யாதவ் கூறியுள்ளார்.

                                        உத்தரபிரதேசத்தில், 2007 முதல் 2012ம் ஆண்டு வரை, மாயாவதி தலைமையிலான பகுஜன் சமாஜ் கட்சியின் ஆட்சி நடந்தது. முதல்வராக மாயாவதி பதவி வகித்தபோது, லக்னோ மற்றும் நொய்டாவில் பிரமாண்டமான பூங்காக்கள் அமைக்கப்பட்டதோடு, அவற்றிலும், வேறு பல இடங்களிலும், பகுஜன் கட்சி நிறுவனத் தலைவர் கன்ஷிராம், மாயாவதி மற்றும் கட்சியின் தேர்தல் சின்னமான யானை சிலைகள், ஏராளமான அளவில் அமைக்கப்பட்டன.

                             முறைகேடு எவ்வளவு? இதற்கு அரசு பணம் செலவிடப்பட்டது. இதில், 40 ஆயிரம் கோடி ரூபாய் அளவுக்கு முறைகேடுகள் நடந்துள்ளதாக, சட்டசபை தேர்தலின் போது, முலாயம்சிங்கின் சமாஜ்வாதி கட்சி குற்றம் சாட்டியது. தற்போது மாநிலத்தில், அக்கட்சியே ஆட்சியில் அமர்ந்துள்ளதால், இது குறித்து நேற்று தலைநகர் லக்னோவில், முதல்வர் அகிலேஷ் யாதவ் நிருபர்களிடம் கூறியதாவது: மாநிலத்தில் சிலைகள் அமைத்ததில், நடந்துள்ள முறைகேடுகள் எவ்வளவு என்பதை பத்திரிகைகள் சொல்ல வேண்டாம். அதை, 5 ஆயிரம் கோடி ரூபாயாகவும் குறைக்க வேண்டாம். நாங்கள் (சமாஜ்வாதி) சட்டசபை தேர்தலின்போதே, இந்த விவகாரத்தில், 40 ஆயிரம் கோடி ரூபாய் அளவிற்கு முறைகேடு நடந்துள்ளது என்பதை தெரிவித்துள்ளோம். எவ்வளவு நடந்துள்ளது என்பதை, மாநில அரசு கணக்கிடும். சிலைகள் அமைத்தற்கான செலவுகளை கணக்கிடும் போது, சிலைகள் அமைக்க தேர்வு செய்யப்பட்ட இடம் கணக்கில் கொள்ளப்படவில்லை.

                                        விசாரணை எப்படி? சிலைகள் அமைத்த போது, ஒப்பந்ததாரர்களுக்கு அதிக அளவில் பணம் தரப்பட்டுள்ளது. ஒரு சிலைக்கு, 5 லட்ச ரூபாய் செலவாகிறது எனில், மாநில அரசு நிறுவனம் ஒவ்வொரு சிலைக்கும், 60 லட்ச ரூபாய் கொடுத்ததாக கணக்கு உள்ளது. பல கட்டடங்கள் கட்டப்பட்டு, பின் இடிக்கப்பட்டது எல்லாம் கணக்கில் காட்டப்படவில்லை. அதேபோல், எல்லைச் சுவர்கள் அமைக்கப்பட்டு, பின் இடிக்கப்பட்டதும் கவனத்தில் கொள்ளப்படவில்லை. இந்த மோசடிகளில் பலம் அடைந்தது யார் என்பதை எல்லாம், குற்றப் புலனாய்வு பிரிவினர் கண்டுபிடிப்பர். மேலும், மோசடி தொடர்பாக, எந்தவிதமான விசாரணை நடத்தப்படும் என்பது குறித்து, மாநில அரசு விரைவில் முடிவு செய்யும். இவ்வாறு, முதல்வர் அகிலேஷ் யாதவ் தெரிவித்தார்.

இந்துக்கள் புனித யாத்திரை மேற்கொள்ள மானியம்: முதல்வர் அறிவிப்பு

சென்னை,மே.15: சீனாவில் உள்ள மானசரோவர் மற்றும் நேபாள நாட்டில் உள்ள முக்திநாத் ஆகிய இடங்களுக்கு செல்ல விரும்பும் இந்துக்களின் பயணச் செலவுக்கு மானியம் வழங்கப்படும் என்று தமிழக முதல்வர் ஜெயலலிதா தெரிவித்தார்.

                              இதுகுறித்து சட்டப்பேரவையில் 110-வது விதியின்கீழ் அவர் இன்று வெளியிட்ட அறிவிப்பு:

                               கிறிஸ்தவ பெருமக்கள் ஜெருசலம் புனித யாத்திரை மேற்கொள்ளவும், இந்துக்கள் சீனாவில் உள்ள மானசரோவர் மற்றும் நேபாளத்தில் உள்ள முக்திநாத் புனித யாத்திரை மேற்கொள்ளவும், அரசு சார்பில் உதவி செய்யப்படும் என்று 2011-ஆம் ஆண்டு தமிழ்நாடு சட்டமன்றப் பேரவை பொதுத் தேர்தல் பிரச்சாரத்தின் போது நான் வாக்குறுதி அளித்து இருந்தேன்.

                              எனது வாக்குறுதியை நிறைவேற்றும் பொருட்டு, கிறிஸ்தவர்களின் புனித ஸ்தலமான, ஜெருசலம் சென்று வருவதற்கு, அரசு நிதி உதவி அளிக்கும் என்றும், இந்தத் திட்டம் அனைத்து கிறிஸ்துவப் பிரிவினரையும் உள்ளடக்கியதாக அமையும் என்றும், முதற்கட்டமாக, 500 கிறிஸ்தவர்கள் ஜெருசலம் சென்று வர ஏற்பாடு செய்யப்படும் என்றும், கடந்த ஆண்டு டிசம்பர் மாதம் நடைபெற்ற கிறிஸ்துமஸ் விழாவில் நான் அறிவித்தேன்.  இதனையடுத்து, இதற்கான அரசாணைகள் வெளியிடப்பட்டன.

                              இந்துக்களைப் பொறுத்த வரையில், ஆன்மீகம் தேடும் ஒவ்வொருவருக்கும், ஒரே ஒரு முறையாவது சீனாவில் உள்ள மானசரோவர் சென்று பார்க்க வேண்டும் என்பதும், நேபாள நாட்டில், சாளக்கிராம் மலையில் உள்ள திவ்ய தேசங்களில் ஒன்றான முக்திநாத் சென்று தரிசிக்க வேண்டும் என்பதும் அவர்களது விருப்பமாக இருந்து வருகிறது.இதன் அடிப்படையில், இந்த திருத்தலங்களுக்கு ஆண்டுதோறும் ஆயிரக்கணக்கான இந்துக்கள் புனித யாத்திரை மேற்கொள்கின்றனர்.  இருப்பினும்,  பொருளாதார அடிப்படையில் பின்தங்கியுள்ள இந்து பெருமக்களுக்கு இது எட்டாக் கனியாகவே இருந்து வருகிறது.எனவே, இதனைக் கருத்தில் கொண்டு சீனாவில் உள்ள மானசரோவர் மற்றும் நேபாள நாட்டில் உள்ள முக்திநாத் ஆகிய இடங்களுக்கு செல்ல விரும்பும் இந்துக்களின் பயணச் செலவுக்கு மானியம் வழங்கப்படும்   என்பதை மகிழ்ச்சியுடன் தெரிவித்துக் கொள்கிறேன்.

                                  இந்த அரசு மானியம், மானசரோவர் புனித யாத்திரைக்குச் செல்ல இந்திய வெளியுறவுத் துறையால் தேர்வு செய்யப்படும் தமிழ்நாட்டைச் சார்ந்த 250 இந்துக்களுக்கும், முக்திநாத் புனித யாத்திரை மேற்கொள்ளும் 250 இந்துக்களுக்கும், ஆகமொத்தம் 500 பேருக்கு வழங்கப்படும்.மானசரோவர் புனிதப் பயணத்திற்கு 1 நபருக்கு ஆகும் மொத்த செலவான 1 லட்சம் ரூபாயில் 40,000 ரூபாயும், முக்திநாத் புனிதப் பயணத்திற்கு ஒரு நபருக்கு ஆகும் செலவான 25,000 ரூபாயில், 10,000 ரூபாயும் மானியமாக வழங்கப்படும் என்பதை மகிழ்ச்சியுடன் தெரிவித்துக் கொள்கிறேன்.

அலங்காநல்லூர் ஒன்றிய பிரதிநிதி இல்ல காதணி விழா

மதுரை மாவட்டம் அலங்காநல்லூர் ஒன்றிய பிரதிநிதி C.பிரபாகரன்  அவர்களின்  இல்ல காதணி விழா 7-5-2012 அன்று தெத்தூர் கிராமத்தில் அமைந்துள்ள குலதெய்வ கோவிலில் மறத்தமிழர் சேனையின் மாநில அமைப்பாளர் புதுமலர் பிரபாகரன் தலைமையில் நடைபெற்றது.