பார்வர்டு பிளாக் கட்சியின் அலுவலகத்தை அடித்து நொறுக்கினர்.

திருச்சி:
                                         "திருச்சி பார்வர்டு பிளாக் கட்சியின் அலுவலகத்தை சூறையாடிவர்கள் மீது கொடுத்த புகாரை வாங்க மறுத்த இன்ஸ்பெக்டர்கள் மீது முதல்வரிடம் புகார் கொடுப்பேன்,'' என்று மாநிலச்செயலாளர் கதிரவன் கூறினார்.



                     திருச்சி கரூர் பைபாஸ் சாலையில் அகில இந்திய பார்வர்டு பிளாக் கட்சியின் மாவட்ட தலைமை அலுவலகம் உள்ளது. இக்கட்டிடத்தின் உரிமையாளர் சுரேஷ், கட்சியின் நிர்வாகியாக உள்ளார். இக்கட்டிடத்தில் திண்டுக்கல் வேலுநாயுடு பிரியாணி என்ற பெயரில் கடை வைத்துள்ள கார்த்திக், "கடையை காலி செய்ய மறுத்ததால், சுரேஷ் கடையை அடித்து நொறுங்கியதாக' உறையூர் போலீஸில் புகார் கொடுத்திருந்தார்.

                         கடந்த இரண்டு நாட்களுக்கு முன் கட்சி அலுவலகத்துக்குள் நுழைந்த சிலர், ஃபேன், கண்ணாடி உள்ளிட்ட பொருட்களை அடித்து நொறுக்கினர். இதுகுறித்து சுரேஷ் கொடுத்த புகாரை போலீஸார் வாங்க மறுத்துவிட்டனர்.
பார்வர்டு பிளாக் கட்சியின் மாநிலச்செயலாளரும், எம்.எல்.ஏ.,வுமான கதிரவன் நேற்று காலை கட்சி அலுவலகத்தை பார்வையிட்டார். கட்சி நிர்வாகிகளுடன் ஆலோசனை நடத்தினார்.

                                இதுகுறித்து கதிரவன் கூறியபோது, ""ஒரு தேசிய கட்சியின் அலுவலகத்தை சூறையாடிய கார்த்திக்கை உடனடியாக கைது செய்ய வேண்டும். எங்கள் கட்சி நிர்வாகி சுரேஷ் கொடுத்த புகாரை போலீஸார் வாங்க மறுக்க, இன்ஸ்பெக்டர்கள் நுண்ணறிவுப்பிரிவு சுகுமார், உறையூர் பால்சுதர் தான் முக்கிய காரணம். இவர்கள் மீது நடவடிக்கை எடுக்க முதல்வரை சந்தித்து புகார் கொடுக்க உள்ளேன்,'' என்றார். எம்.எல்.ஏ., கதிரவன் தலைமையில், கட்சியினர் கரூர் பைபாஸ் சாலையில் ஆர்ப்பாட்டம் செய்தநிலையில், திடீரென சாலைமறியல் செய்ய முயன்றதால், அப்பகுதியில் பெரும் பரபரப்பு ஏற்பட்டது.

                     நடத்தப்பட்ட தாக்குதலுக்கு மறத்தமிழர் சேனை கடும் கண்டனம் தெரிவிக்கிறது. தாக்குதல் நடத்தியவர்கள் மீது தமிழக அரசு கடுமையான நடவடிக்கை எடுக்கவும் வழியுறுத்துகிறது.

-maraththamilar senai